ნაყოფიერება

მინდა წარმოგიდგინოთ ჩემი ნახატი “ნაყოფიერება”. კავშირშია ჩემს სიზმართან და სიმბოლურად ავაწყვე. ღმერთმა შექმნა ნაყოფიერი სამყარო. ის ჩვენშია და ჩვენ მასში. ყველაფერი, რასაც ვხედავთ და ვგრძნობთ, შემოქმედის ხელითაა ნაქსოვი. დედობრივი მზრუნველობა, სიყვარული და სიცოცხლის ძალა ყველაფერშია. ქალი, როგორც სამყაროს ნაწილი, კვებავს ახალ სიცოცხლეს, მისი გონება ბუდეა, სადაც ახალი აზრები იბადებიან და ფრთებს ისხამენ. ჩიტი თავისუფლების, სულის ამაღლების და კომუნიკაციის სიმბოლოა. ის ასევე ასოცირდება სულის სამყაროსთან და ცნობიერების გაფართოებასთან. ბევრ მითოლოგიაში ჩიტები ახმოვანებენ ზეციური ძალების გზავნილებს და წარმოადგენენ კავშირს მიწიერ და ღვთაებრივ სამყაროებს შორის. კვების, გარდა ფიზიკური მნიშვნელობისა, კვება სულიერ სიმბოლოდაც გვევლინება – ცოდნის, სიბრძნისა და შინაგანი განვითარების ფორმით. ხორბალი სიუხვის, ნაყოფიერებისა და კეთილდღეობის სიმბოლოა. ის წარმოადგენს შრომის შედეგად მიღებულ სარგებელს, სიცოცხლის საწყის ძალას და კავშირის სიმბოლოს კაცობრიობასა და ბუნებას შორის. ბავშვი განახლებისა და მომავლის იმედის სიმბოლოა. ის სიწმინდეს, სინათლეს, ახალ დასაწყისსა და შესაძლებლობებს ასახავს. ბავშვი გამოხატავს სამყაროს უწყვეტობას, სიყვარულს და სიცოცხლის გაგრძელების მარადიულ პროცესს. ყველა ადამიანს თავზე თმების სახით სამყაროს სიმბოლო აქვს გამოსახული, რაც კავშირშია სიცოცხლის წრებრუნვასთან.